11/01/2013 09:22:10

Braçe në kërkim të aleatëve të rinj: afron njerëzit

'Aleancë e përfaqësim të njerëzve, jo të politikanëve dhe pushtetit. Aleancë me ata që janë në opozitë të vendosur me këtë regjim, jo me ata që janë palë me këtë regjim'

TIRANE - Deputeti i Qarkut të Beratit Erjon Brace i është përgjigjur paraditen e djeshme në Facebook miqve në lidhje me projektin e socialistëve për zonën e tij elektorale. I pyetur në lidhje me deklaratat e një ditë më parë të ish-deputetit të PS-së Andis Harasani, i cili deklaroi se PS-ja i fiton zgjedhjet edhe pa LSI-në, Braçe u shpreh se “Po kështu është. Ne i fitojmë zgjedhjet me njerëzit e thjeshtë, njerëzit e zakonshëm, atë që edhe sot, ditën e nëntë të vitit nuk kanë marrë dot pagat, pensionet dhe pagesat e ndihmës. Rama me ç’lexova unë i bëri thirrje LSIsë të dale nga Qeveria dhe, kjo po duhet bërë sa më shpejt. Të bjerë një qeveri kaq antipopullore dhe e korruptuar. Aleancë e përfaqësim të njerëzve, jo të politikanëve dhe pushtetit. Aleancë me ata që janë në opozitë të vendosur me këtë regjim, jo me ata që janë palë me këtë regjim”- deklaroi Braçe.

HermesNews - ©2013

Dërgo me email | Stampo artikullin